कोल्हापूर जिल्हा नागरी बॅंक्स सहकारी असोसिएशनच्या कार्यक्षेत्रातील नागरी सहकारी
बँकेच्या व्यवस्थापनाचा दर्जा सुधारावा, त्यांचा कार्यात एकसूत्रता यावी, त्यांचे काम
अधिकाधिक परिणामकारक व लोकाभिमुख आणि व्यावसायिक व्यवस्थापनास
अनुलक्षूण व्हावे म्हणून त्यांना मार्गदर्शन करने, सल्ला देणे आणि विविध स्तरावर त्यांचे
प्रश्न सोडवून या बँकेच्या प्रवक्ता म्हणून काम करणे. महाराष्ट्र शासन, आर. बी. आय व
बँकदरम्यान निर्माण होणारे प्रश्न सोडविण्याकरिता प्रयत्न करणे.
सभासद बँकेच्या व्यवसायाच्या संदर्भात येणाऱ्या अडचणी व प्रश्नांचे बाबतीत रिझर्व्ह
बँक, महाराष्ट्र शासन, सहकारी खाते व अन्य संबंधित संस्थांकडे सभासद बँकेच्या
प्रातिनिधित्व करून प्रश्न सोडविण्याचा प्रयत्न करणे.
पुनर्वसनात असलेल्या बँकांना सल्ला देणे, मार्गदर्शन करणे व त्यांना त्यातून बाहेर
येणेस मदत करणे.
सभासद बँकेच्या सभासदांना, संचालकांना व कर्मचाऱ्यांना प्रशिक्षण देणे अगर
याबाबत योग्य ती सोय उपलब्ध करून देणे.
सभासद बँकेच्या व इतर सहकारी संस्थांचे थकबाकी वसुलीसाठी महाराष्ट्र सहकारी संस्था
अधिनियम १९६० चे कलम १०१ खाली सहकार खात्याचा अधिकारी प्रतिनियुक्तीवर
घेऊन बँकेच्या व इतर सहकारी संस्थांचे थकबाकीदार विरुद्ध वसुली दाखले देणेची
कार्यवाही करणे त्यासाठी स्वतंत्र वसुलीकक्ष चालविणे.
सभासद बँकांना त्यांचा गरजेनुसार भेटी देऊन मार्गदर्शन करणे. रिझर्व्ह बँक
सहकार खाते, महाराष्ट्र राज्य नागरी बॅंक्स फेडेरेशन व राज्य सहकारी बॅंक्स असोसिएशन
यांचेकडून आलेले आदेश व सूचना या संबंधी सभासद बँकांना आवश्यकतेनुसार माहिती पुरविणे.
आर्थिक बाजार व नवीन योजना अगर अस्तित्वात असलेल्या कर्जसंबंधीच्या
निरनिराळ्या योजनांची माहिती व त्यासाठी मिळणाऱ्या सवलतीच्या फायदा सभासद
बँकेना देणेचे प्रयत्न करणे.
सभासद बँकांकडून वार्षिक हिशोबाची पत्रके, अहवाल व सांख्यकीय माहिती मागवून
एकत्रित करणे व प्रसिद्ध करणे.
बँकिंग व्यवहाराला पोषक असे अद्यावत ग्रंथालय सुरु करणे यासाठी आवश्यक ती
पुस्तके खरेदी करणे.
नागरी सहकारी बँकिंगच्या विधायक कार्याचा प्रचार व प्रसार विविध माध्यमातून करणे.
जरूर तर स्वतःचे वृत्तपत्र/पाक्षिक/मासिक याद्वारे प्रबोधन करणे.
सभासद बँका व त्यांचे नोकर यांचे संबंध चांगले राहावेत म्हणून प्रयत्न करणे.
बी.आय.आर. ऍक्ट १९४६ खाली सभासद बँकेच्या कर्मचाऱ्यांची वेतन निश्चिती,
औद्योगिक कलह किंवा सभासदांना लागू असणारे विविध कामगार कायद्याखाली
येणारे वादात सभासद बँकांचे करिता व वतीने कामगार व युनियन यांना मागणी देणे व
बदलाची नोटीस देणे, सभासद बँकाकरिता व त्यांचे वतीने कर्मचारी किंवा युनियनशी
वाटाघाटी करणे, मागण्यांबाबत तडजोड करणे आणि करारावर सह्या करणे उच्च न्यायालय,
सर्वोच्च न्यायालय, कामगार कायद्याखाली स्थापन झालेल्या न्यायालयात खटला/दावा दाखल करणे.
विविध न्यायालयातील सभासद बँकांशी संबंधित खटले/दावेचे कामी सभासद बँकांचे वतीने व
करिता त्यांचे मागणी प्रमाणे वकिलांची नियुक्ती करणे व त्यासाठी होणारा खर्च संबंधित बँकाकडून
वसूल करणे.
असोसिएशनच्या हिताच्या व उपयुक्ततेच्या द्रुष्टीने आवश्यक वास्तू भाड्याने घेणे, संपादन
करणे, खरेदी घेणे, जागा घेऊन बांधणे, तिची देखभाल करणे अथवा तिचे रूपांतर/बदल करने.
असोसिएशनच्या कार्यासाठी लागणारे निधी व वर्गणी गोळा करणे व त्याचा असोसिएशनचे उद्देश
पूर्ततेसाठी विनियोग करणे.
सदस्य बँकांना सामूहिक, तांत्रिक व अन्य सेवा उपलब्ध करून देणे व त्यासाठी आवश्यकतेप्रमाणे शुल्क
आकारणे.
सदस्य बँका तसेच इतर वित्तिय संस्थांसाठी बिझनेस फ़ॅसिलेटर व बिझनेस
करसस्पॉन्डन्ट म्हणून काम करणे त्याचप्रमाणे क्रेडिट इन्फरमेशन ह्यूमन रिसोर्स व इतर क्षेत्रात
सदर बँका व संस्थांना सेवा उपलब्ध करून देणे, त्यासाठी आवश्यकते प्रमाणे शुल्क आकारणे.
नागरी सहकारी बँकेच्या कार्यक्षम व्यवस्थापनासाठी बँकांतील वरच्या श्रेणीतील अधिकाऱ्याचे राखीव
पॅनल तयार करणे व बँकाच्या मागणीनुसार त्यांना ते उपलब्ध करून देणे.
सभासद बँकांसाठी "आदेश कर्ज नियमावली" ,"आदर्श सेवक नियम"; बँकिंग व्यवहारात लागणारे
आदर्श (मॉडेल) फॉर्मंस बनवणे इ.
सदस्य बँकांसाठी व इतर वित्तिय संस्थांसाठी म्युच्युअल अरेंजमेंट स्किम्स ए.टी.एम., डाटा सेंटर,
सॉफ्टवेअर सर्विसेस व तत्सम, इतर सामूहिक, तांत्रिक व अन्य सेवा उपलब्ध करून देणे त्यासाठी आवश्यक ते शुल्क
आकारणे.
